انا والشمعة

موضوع: انا والشمعة الجمعة أغسطس 31, 2007 5:20 pm

ليه يا شمعه
وش اللي مضــيق صدرك
وش اللي حــابس الدمعه
وش اللي متــعب عمرك
أنا وإلا الحزن سافر أو إنه عمرك بيفنى

وفجأة سالت الدمعه
بكت قدامي الشمعه وبكتني
وقالت لي: إلى منه سطع نوري على
وجهك أشوف الدمعه بعيونك وهذا شئ يحزني
وإلى منك صرخت من الألم أحس الموت يجذبني
أحسه حيــل يجذبني وهذا شئ يحزني
إلى منك كتبت الشعر على نوري بقرطاسك
أحس حروفك تنادي تبي إنسان يسمعها
تبي إنسان يفهمها,,,تبي إنسان يحفظها
ويرجع صدى الأصوات تجرحني ..
تعذبني وهذا شئ يحزني
إلى منك بالدفا حسيت وغشاك النوم تفز بخوف
تفزعني وهذا شئ يحزني
قلت: الله ياشمعه
أنا اللي مضيق صدرك،
أنا اللي حابس الدمعه،
أنا اللي متعب عمرك،
أجل وشلون لو عشتي دقيقه عشتها بعمري
أجل وشلون لو شفتي جروح الناس في صدري
أجل وشلون لو أنك تحملتي حزن هالكون
أجل وشلون لو حظك رماك بعالم مجنون
أجل وشلون لو يكبر الحرمان يا شمعه
وفجأة................
ماتت الشمعه من أحزاني
صرخت: وليــــــــــــــــــــه يــــا شـمـعـه
تركتيني لحرماني
تركتيني لأحزاني
من اللي بعدك يبقى بالظلام اللي يخاويني
ومن اللي بعدك يبقى وإذا ونيت يحس فيني
ومن اللي بعدك يبقى على موتك يعزيني

ومــاتـت الـشـمـعـه
ومــاتـت مـعـهـا أحـلامـي
ــــــــــــــــــــــــــــــ

عالمة الرومانسية